Múinteoir – Conas m’infhaighteacht a uasdátú ar Sub Seeker?
Nuair a bheidh do chlárúchán le Sub Seeker déanta, cuirfear ar aghaidh thú chuig an táb Infhaighteacht ar do phróifíl. Roghnaigh suas le sé chontae a ndéanfá ionadaíocht iontu; leasaigh do leibhéal múinteoireachta (bunscoil nó iarbhunscoil), agus nuashonraigh d’infhaighteacht. Is féidir leat suas le deich lá ar a mbeidh tú ar fáil a roghnú ag an am (féadfaidh sé go mbeidh tú in ann níos mó ná sin a roghnú nuair a bhíonn laethanta saoire, srl. i gceist).
‘Níl Ar Fáil’ an réamhshocrú atá i bhfeidhm maidir le gach lá. Chun a chur in iúl go mbeidh tú ar fáil ar dháta ar leith, cliceáil ar an dáta sin uair amháin chun do stádas a athrú go ‘Ar Fáil’. Tá teorainn curtha ar an líon laethanta chun a chinntiú go bhfuil an t-eolas tráthúil agus go ndéantar nuashonrú air go rialta. Tá sé mar fhreagracht ort féin d’infhaighteacht a nuashonrú gach cúpla lá.
Chun cruinneas an chórais a chinntiú, má dhiúltaíonn múinteoir do thairiscint oibre ar Sub Seeker, beidh tic sa ticbhosca 'Marcáil mé mar gan a bheith ar fáil ar na dátaí seo’ mar réamhshocrú.
TABHAIR DO D’AIRE: Bíonn laethanta poiblí agus laethanta éigeantacha druidte scoile le feiceáil i mboscaí bána. Ní féidir le múinteoirí a chur in iúl go bhfuil siad ar fáil ar na laethanta sin, agus ní féidir le scoileanna tairiscintí a chur i dtaca leis na dátaí sin.
Iontrálacha Gaolmhara:
