Ginearálta – Conas a oibríonn Sub Seeker?
Nuair a bhíonn folúntas ag scoil le haghaidh post ionadaíochta gearrthréimhseach, cuireann siad critéir chuardaigh (líon na bhfolúntas, contae, dátaí, ábhair) isteach ina ndeais Sub Seeker ar EducationPosts.ie. Is féidir leis an scoil tréimhse deich lá ar a mhéad a roghnú (féadfaidh sé gur tréimhse níos faide a bheidh ann mar gheall ar laethanta saoire agus a leithéid).
Bíonn liosta múinteoirí atá ar fáil agus a bhfuil an taithí chuí acu le feiceáil faoi ‘Ionadaithe Ar Fáil’. Bíonn na múinteoirí is mó atá oiriúnach ó thaobh infhaighteachta ag barr an liosta agus cuirtear in ord iad de réir infhaighteachta, cáilíochtaí ag an leibhéal cuí, nó taithí ar a bheith ag múineadh na n-ábhar roghnaithe (iarbhunscoileanna). Déantar gach múinteoir atá ag teacht go hiomlán nó i bpáirt leis na critéir a liostáil.
Cuireann an scoil tairiscint chuig múinteoir amháin nó níos mó astu siúd ar ghearrliosta. Féadfaidh sé go mbeidh dáta agus am éaga luaite má tá an t-ionadaí ag teastáil go práinneach. Faigheann múinteoirí tairiscint ghearrliosta trí ríomhphost agus trí fhógra Sub Seeker. Bíonn sonraí na tairisceana le fáil faoi ‘Tairiscintí’ ar phróifíl an mhúinteora. Toisc gur ar bhonn ‘tús freastail ar an duine is túisce’ a oibríonn an córas, éireoidh leis an gcéad mhúinteoir a ghlacfaidh leis an bpost.
Más mian le múinteoir glacadh le post ionadaíochta, déanann sé/sí amhlaidh trí Sub Seeker agus cuirtear scéala láithreach chuig an scoil. Mura bhfuil an tairiscint oiriúnach, ba chóir don mhúinteoir diúltú dó trí Sub Seeker agus gheobhaidh an scoil scéala trína deais Sub Seeker agus trí ríomhphost freisin. Déantar stádas na tairisceana a nuashonrú ar dheais Sub Seeker na scoile agus ar dheais Sub Seeker an mhúinteora araon. Titeann sé sin amach láithreach agus nuashonraítear an t-eolas ar Sub Seeker láithreach. Ní chuirtear aon teachtaireachtaí SMS ón gcóras Sub Seeker. Sa chás ina bhfuil tairiscint imithe in éag nó inar ghlac múinteoir eile leis, beidh sé sin le feiceáil faoin táb ‘Tairiscintí’. Cuirfear ríomhphost freisin ina ndeimhneofar go bhfuil an folúntas líonta.
Coinníonn Sub Seeker taifead den taithí uile a fhaigheann múinteoirí tríd an seirbhís. Chun a chinntiú go bhfuil eolas Sub Seeker slán agus cruinn, tá sé riachtanach gur trí Sub Seeker a chuirfidh scoileanna ríomhphoist tairisceana agus a ghlacfaidh múinteoirí le tairiscintí poist nó a dhiúltóidh siad dóibh. Cinntíonn sé sin go mbíonn stair chuardaigh an Fhógróra Poist cruinn agus go nuashonraítear taithí an Chuardaitheora Poist ar a p(h)róifíl aon uair a dhéanann sé/sí obair ionadaíochta a fuair sé/sí trí Sub Seeker.
Iontrálacha Gaolmhara:
